Hver bað um tvo át-daga í röð?? Ekki ég allavega!! Ef maður þarf ekki aðhald núna þá veit ég ekki hvað... Át yfir mig af bollum í gær hjá múttu, og var að koma úr Saltkjöti núna rétt í þessu....jújú og það var rétt....auðvitað bollur í eftirmat...  Hjúkket að ég er ekki krakki ennþá, sem fer og syngur í búðum á Öskudaginn og fær fullt af góðgæti í poka, held ég myndi springa á endanum!!

Hvað varð annars um þá gömlu góðu daga þegar maður fékk bara límmiða og allskonar skemmtilegt dót í poka, ekki eitthvað nammi rusl á Öskudaginn?? Ohhh I miss those days...

Svona er lífið víst...ekki tekið út með sældinni alltaf hreint!!

Jæja halda áfram að vinna

Bæ í bili

Nú er víst kominn Bolludagur....sem þýðir bara það að maður á eftir að éta á sig gat af bollum hjá mömmu...sem betur fer er þessi dagur bara einu sinni á ári!!!

Annars er ég mætt í skólann, er að hlusta á hann Andy vin minn rausa um aðferðarfræði...alveg meiriháttar sko Brjálað að gera í skólanum næstu vikurnar, þannig að ég held að ég verði að spýta í lófana og fara að vera dugleg! Alveg kominn tími á það Allir dugnaðar straumar vel þegnir...

Djúsíbúrgers hittingur á fimmtudaginn á nýja heimilinu, vonast eftir góðri mætingu í þetta sinnið, allavega 8 sem eru búnar að boða sig. Verður gaman að hitta gellurnar aftur, langt síðan við höfum hist...ja nema þær sem nenntu til Húsavíkur!! Misstuð af miklu stelpur mínar....

Jæja...ætli maður verði ekki að reyna að fylgjast eitthvað með hérna...

Knús þangað til næst....

P.s.Hann Tristan Breki á afmæli í dag...til hamingju kúturinn minn!!

Þá erum við Maren fluttar á Deildartúnið! Ætluðum að taka daginn eldsnemma í gær, en sökum slappleika í flestum flutningsmönnum þá var ekki hafist handa fyrr en um tvö leytið... Palli píp lagði til bíl fyrir sansið..klikkar ekki á því kallinn. Þetta gekk svona líka glimrandi vel hjá okkur í Spilaklúbbnum Steinar og stelpurnar...vorum búin um kvöldmatarleytið!

Annars voru bara rólegheit í gær, fengum fullt af gestum í nýja húsið sem er bara gaman!

Skóli í fyrramálið...sem er ekki eins gaman

Bless í bili

Í dag er síðasti dagurinn minn í verknáminu á Krabbameinsdeildinni. Þetta er búinn að vera alveg meiriháttar skemmtilegur tími og auðvitað er ég búin að læra alveg heilan helling líka... ótrúlega dúleg... Er að vinna til 4 í dag og svo er það bara flutningsgírinn...daddaraaa....Doddi er nefnilega alveg búinn að vera að standa sig í sansinu á Deildartúninu...slottið verður klárt í kvöld sennilega...JIBBÝ

Ég sé að flutningarnir ættu að bjargast fyrir horn, hef fengið Spilaklúbbinn Steinar og Stelpurnar mér til aðstoðar ásamt nokkrum massakögglum í viðbót, sem er bara alveg glimrandi fínt! Tökum þetta með einari...

Spil um helgina sýnist mér...og ætli maður kíki ekki í "einn léttan" svona ef heilsan leyfir..hehe!!

Góða helgi elskurnar....knús knús

Úffr...það er orðið ískyggilega stutt í það að við Maren  mín flytjum í my old hood.... Get ekki beðið sko! Doddi talar um að við getum kannski fengið lyklana um helgina..sem er mjög gott því ég fékk óvænt frí um helgina. Var beðin um skipti, tek mánudag og þriðjudag í staðinn bara. Þetta þýðir bara eitt....Ása þarf að fara að pakka ofaní kassa....haldiði að ég sé að nenna því...ó nei!

Alveg merkilegt hvað manni tekst að safna miklu drasli þó að maður búi í ekki stærra rými en raun ber vitni....er aðeins byrjuð að pakka en vantar pappakassa...verð að fara á morgun og tékka hvort ég geti ekki reddað mér nokkrum til viðbótar....ekki veitir víst af

Það er víst verið að tala um rematch í Pictionary....spurning með föstudaginn?? Ja...svo getið þið auðvitað hjálpað til við flutningana frekar ef þið þorið ekki í pictionary..hehe! Auglýsi hér með eftir einhverjum massakögglum sem finnst gaman að bera rúm og sófa og svoleiðis til að hjálpa okkur að flytja um helgina, þ.e.a.s.ef Doddi minn er að standa sig og verður búinn að klára að sansa nýja heimilið!! Komaso Doddi...

Annars er ég að klára verknámið á Krabbó á föstudaginn...get ekki beðið, þó svo að þetta sé búið að vera alveg meiriháttar skemmtilegur tími og lærdómsríkur. Maður kíkir á þær aftur í sumar bara...

Well...gengur ekki þessi slóðagangur lengur...best að reyna að gera eitthvað hérna heima!

Kiss kiss

Ása sem á bráðum heima á Deildartúninu aftur

Ég ætlaði nú bara að óska sjálfri mér og öðrum konum til hamingju með konudaginn, þar sem að ég er nokkuð viss um að það gerir það enginn annar...hehe

Eigiði góðan dag allar sem ein...já og auðvitað karlpeningurinn líka...

P.s.annars er ég nú búin að fá einn konfektkassa ásamt konunum sem ég er að vinna með í tilefni dagsins....einn gamall refur hér sem gaf okkur konfekt!! Bjargaði deginum þessi elska!!

Var að koma úr vinnunni, góður dagur að kveldi kominn! Silvía Nótt rústaði Júróvísíon auðvitað og Liverpool vann Manchester...ekkert hægt að hafa það betra sko...mmm..eða jú kannski....

Ekkert að frétta annars, bara same old...vinna aftur í fyrramálið! Ein vika eftir á Krabbameinsdeildinni, þannig að skólinn fer að byrja aftur í öllu sínu veldi...það verður sko víst nóg að gera þá...verkefni á verkefni ofan!!

Annars er ég alveg í vandræðum með sumarið...hvar ég á að fara að vinna, get ekki ákveðið mig..verð víst að fara að gera upp hug minn svona fyrr en seinna Alveg í ruglinu sko...hehe!

Eeen...þangað til næst, hafið það gott og verið góð við hvert annað...

Kiss kiss

Brjálað veður í morgun....46 metrar á sekúndu á Kjalarnesinu, þannig að við Þura þorðum ekki að keyra suður... Fór því bara heim og lagði mig aðeins aftur, bara næs. Ákvað svo fyrst að maður hafði nægan tíma, að vera dugleg að læra....og viti menn, mér tókst að klára verkefnið í geðhjúkrun sem ég á að skila á morgun...á reyndar eftir að lesa eina grein og gera útdrátt úr henni...æi ég fæ að skila á mánudaginn bara!!

Annars er bara vinnuhelgi framundan...og alveg næstu þrjár helgar...ekki alveg í stuði fyrir það, langar að vera að gera eitthvað allt annað, einhversstaðar allt annarsstaðar....eeen það þýðir víst ekki að væla yfir því.

Eitt svona í lokin...hvað er verið að troða bæði Valentínusardeginum og Konudeginum í sömu vikuna...??? maður spyr sig!!!

Hafið það gott elskurnar...kiss kiss

Ég hef reynt eftir fremsta megni síðan ég hætti á gelgjunni að hætta að tala illa um fólk sem ég þekki ekki...held mér hafi alveg tekist vel til Þoli ekki fólk (og þá er ég sko ekki að meina gelgjur eða óþroskaða einstaklinga á einhvern hátt, heldur fullorðið fólk)....sem talar illa um fólk sem það þekkir akkúrat ekkert...!!! Lenti í þessu í vinnunni núna áðan....djöfull varð ég reið!! 

Mæli eindregið með því að þið talið vel um náungann.....

Jæja pirringurinn kveður að sinni........

Happy Valentines day...fyrir þau ykkar sem halda uppá daginn!!! Vona að dagurinn verði góður!

Verið góð við hvert annað í dag....það ætla ég að gera!

Kiss kiss

Ása Valentína...

Er nú í hádegismat bara í vinnunni og ákvað að kasta á ykkur smá kveðju svona áður en helgin gengur í garð

Ekkert plan fyrir helgina, er reyndar að vinna annað kvöld til tíu, sem er fínt Síðan er allt óákveðið...lítur út fyrir náttfatahelgi barasta...

Annars vildi ég nú bara minna ykkur á að vera góð við hvert annað...sérstkalega þá sem ykkur þykir vænt um auðvitað....manni líður þá svo vel í hjartanu

Góða helgi elskurnar

Kveðja frá 11-E

4 störf sem ég hef unnið

Sjúkrahús Akraness

Íslenska Járnblendifélagið Grundartanga

Pizza Hut

Olís Nesti og Markið

4 bíómyndir sem ég get horft á aftur og aftur

Gladiator

The Last of the Mohicans

Lord of the Rings Trilogy

Dirty Dancing...úff og miklu fleiri...er sjúk í að horfa á sumar bíómyndir aftur og aftur..

4 staðir sem ég hef búið á

Deildartún Akr.

Gautland R.vík

Vættaborgir R.vík

Akurgerði Akr. og nottlega H-barinn góði ;o)

4 Sjónvarpsþættir sem ég elska að horfa á

Lost

Prison Break

Silvía Nótt

O.C. og margir fleiri...

4 staðir sem ég hef verið í fríi á

Kúba

Costa Del Sol

Gran Canaria

Kóngsins Köbenhávn

4 Vefsíður sem ég skoða daglega

Unak.is

Mbl.is

Blog.central.is síður hjá vinum og kunningjum

KBbanki.is

4x besti matur

Lambahryggur með öllu tilheyrandi

Saltkjöt og kartöflumús

Lasagne að hætti múttu elskunnar

Verður maður ekki að nefna pizzuna góðu líka..

4 staðir sem ég vildi vera á

Bannað að segja

New York

Dekurdagur á einhverri snyrtistofu

Inni í nýjum glæsivagni sem ég á ekki...hehe

4 bloggarar sem ég næli

Erla Björk

Heizil

Hafdís Una

Jóna Kolbrún

Þar hafiði það

Kominn mánudagur enn eina ferðina, sem er ágætt...

Helgin var frábær og eru Áslaug og Unnar sannkallaðir höfðingjar heim að sækja! Þessi ferð var snilld, veðrið og færðin alveg tip top...Hrönn átti bara ekki orð yfir það...enginn snjór einu sinni í köntunum... Annars einkenndist ferðin af áti...kemur á óvart....átum útí eitt...reyndar fengum við Lára okkur aðeins Tópas...eða aðallega Lára..hehehe! Hún er meistari þegar hún tekur sig til... Fórum aldeilis á Reðursafn Íslands...fengum þar að sjá þessa fínu tilla af hinum ýmsustu skepnum...ótrúlega fyndið! Takk fyrir frábæra helgi stelpur mínar!

Svo var flashback dauðans í gær, Gerður týnda vinkona mín kom á Skagann og við hittum annan týndan vin, Heiðar Loga....rifjuðum upp gamla tíma, bara gaman!

Byrjaði á krabbameinsdeildinni á LSH í dag, rólegur dagur. Líst vel á þetta barasta.

Nenni ekki meir...er ekki í skapi, eins og einn alveg frægur sagði alltaf!

Stjörnuspá dagsins...Mán.6.2.2006

Ekki leyfa álagi eða stressi að hafa áhrif á líðan þína dagana framundan. Þú býrð yfir hæfileika sem þú ættir að notfæra þér til framdráttar án þess að hika en eitthvað virðist þó koma í veg fyrir að þú njótir þín til fullnustu. Stjarna þín ýtir undir velgengni þína þegar viðskipti eru annars vegar.

Jæja nú sit ég bara og bíð eftir þeim Hrönn, Ernu H og Beggu....stoppum svo í Borgarnesi að pikka Láru upp... Þetta verður snilldin ein!

Ætlaði bara að óska ykkur öllum góðrar helgar og minna ykkur á það að bráðum fara heimsóknirnar á síðuna að nálgast 5000 Veriði nú dugleg að kvitta fyrir komu ykkar....og hveeeer verður númer fimm þúsund?? Æsispennandi alveg!

Anyways....farin til Húsavíkur!

Stjörnuspá dagsins...Fös.3.2.2006

Náið samband birtist. Á þessu stigi málsins er óumflýjanlega komið að þeim tímapunkti varðandi þig og tiltekna manneskju að ákveða hvert skal haldið. Þið hafið augljóslega gengið í gegnum fyrsta stig ykkar sambands og þurfið að huga að næsta skrefi. 

Hahahaha þessar stjörnuspár eru æði alveg....

Þessi vika er nú brátt á enda...sem þýðir bara það að fríið mitt er að verða búið En við taka 3 lærdómsríkar og kannski erfiðar vikur á krabbameinsdeild LSH. Hlakka til og kvíður líka fyrir.

Handboltinn alveg að fara með mann sko, þvílík spenna og harka í þessum leikjum...aumingja strákarnir allir svoleiðis í henglum eftir þetta mót ábyggilega En það verður bara að taka frændur okkar Norðmenn í bakaríið í dag...ekkert annað í stöðunni! Kíkið á leikinn kl.17 í dag og hvetjið okkar menn

Svooo er það nú Roadtrip ársins...er að fara til Húsavíkur á morgun að heimsækja hana Áslaugu og co. með nokkrum stelpum úr saumaklúbbnum. Vonandi verðum við heppnar með veður...því við ætlum að keyra...og það með 3 ófrískar konur í bílnum Eigum örugglega eftir að skemmta okkur vel á Norðurlandinu...held að Áslaug sé með eitthvað plan hvað við ætlum að gera og svoleiðis...hlakka ofsalega til!

Ekkert meira að segja í bili....eða jú! Held að ég sé örugglega óheppnasti bíleigandi á Íslandi í dag..og hana nú!

Stjörnuspá dagsins...Fim 2.2.2006

Nautið (20.apríl - 20.maí)
Þessa dagana ert þú án efa kappsfull manneskja sem er fær um að sýna samvinnu í stað þess að rökræða þegar mannleg samskipti eru annars vegar. Febrúar færir þér ánægju stundir með þeim sem hjarta þitt slær fyrir.